حج کے ارکان واجبات

حج کے ارکان،واجبات،سنن ومستحبات:

حج کب فرض ہوا؟

فرضیت حج کی سعادت عظمی ہمارےآقا سرکاردو عالم (صلی اللہ علیہ وآلہ وسلم) کیامت کےساتھ مختص ہے گوکہنےکو توحج کارواج حضرت ابراہیم (علیہ السلام) کے وقت سے ہے مگر اس وقت اس کی فرضیت کاحکم نہ تھا۔ چنانچہ صحیح مسلک یہی ہے کہ حج صرف امت محمدیہ پر فرض ہوا ہے۔ حج کب فرض ہوا؟ اس بارے میں علماء کےاختلافی اقوال ہیں، کچھ حضرات کہتے ہیں سن ٥ ھجری میں فرض ہوا، اکثرعلماسن ٦ ھجری کےقائل ہیں لیکن زیادہ صحیح قول ان علماءکا ہےجویہ کہتےہیں کہ حج سن ٩ ھ کے آخر میں فرض ہوا ہے جب کہاللہ تعالیٰ کایہ حکم نازل ہواآیت (وللہ علی الناس حج البیت من استطاع الیہ سبیلا)۔ یعنی اللہ کی خوشنودی کے لئے لوگوں پرکعبہ کاحج (ضروری ) ہے اور یہ اس شخص پر جو وہاں تک جاسکے۔ چونکہ یہ حکم سال کے آخر میں نازل ہوا تھا اس لئے آپ (صلی اللہ علیہ وآلہ وسلم) تو فعال حج کی تعلیم میں مشغولیت اور آئندہ سال کےلئےسفرحج کےاسباب کی تیاری میں مصروفیت کی وجہ سےخودحج کےلئے تشریف نہیں لےجا سکے، بلکہ اس سال یعنی سن ٩ ھ میں حضرت ابوبکر (رض) کو حاجیوں کا امیر مقرر فرما کر مکہ بھیج دیا تاکہ وہ لوگوں کو حج کرادیں اورپھرآپ (صلی اللہ علیہ وآلہ وسلم) خود سال آئندہ یعنی سن ١٠ ھ میں اس حکم الٰہی کی تعمیل میں حجکےلئے تشریف لےگئے یہ عجیب اتفاق ہےکہ فرضیت کےبعد آپ (صلی اللہ علیہ وآلہ وسلم) نے یہی پہلا حج کیا جوآخری حج بھی ثابت ہوا۔ چنانچہ یہی حج " حجۃ الوداع" کے نام سےمشہور ہےاسی حج کے بعد آپ (صلی اللہ علیہ وآلہ وسلم) کے چہرہ عالمتاب اور وجود پرنورنےاس دنیاسےپردہ کیا۔

ہر سال لاکھوں بندگان خدا حج بیت اللہ کی سعادت حاصل کرنے کے لئے عاشقانہ سفر کرکے سوئے حرم کو رواں دواں ہوتے ہیں ، ان کے دل میں ایک ہی جذبہ ہوتا ہے کہ *اپنے رب کو راضی کرنا اور جو احکام اس نے اس عظیم عبادت کے لئے دیئے ہیں ان کی بجا آوری میں کوتاہی نہ کرنا ، اسی مناسبت سے یہ تحریر پیش خدمت ہے تاکہ حج کے اہم احکام ایک نگاہ میں سامنے آجائیں۔

حج کے فرض ہونے کی شرطیں

(١) مسلمان ہونا کافر پر حج فرض نہیں
(٢) آزاد ہونا لونڈی غلام پر حج فرض نہیں
(٣) عاقل ہونا مجنون اور مست پر حج فرض نہیں
(٤) بالغ ہونا نابالغ پر حج فرض نہیں
(٥) صحت مند و تندرست ہونا بیمار اور اپاہج پر حج فرض نہیں
(٦) قادر ومستطیع الیہ ہونا محتاج و فقراء پر حج فرض نہیں
(٧) راستے کا اکثر و بیشتر ڈاکہ زنی کشتیوں کے غرقاب جہازوں کے کراس سے مامون ہونا ورنہ حج فرض نہیں
(٨) عورت کی ہمراہ شوہر یا کسی اور محرم کا ہونا جب کہ مکہ کی دوری بقدر مسافت سفر یعنی تین دن کی ٤٨ میل یا 78 کلومیٹرہو

مواقیت حج کی دو قسمیں ہیں

(١) زمانی
(٢) مکانی

زمانی میں حج کے مہینے شامل ہیں حج کے مہینے یہ ہیں ١(١) شوال(٢)ذوالقعدہ (٣) ذوالحجہ:(مناسک حج ذوالحجہ ٨ سے ١٢ تاریخوں تک ہی ادا کئے جاتے ہیں مواقیت مکانی جنہیں آپ صلی اللہ علیہ وسلم نے حج و عمرہ کرنے والے کو احرام سے پہلے کیلئے متعین کیا ہے

مواقیت مکانی

(١) ذوالحلیفہ: مدینہ جانے بدن سے آنے والوں کے لئے
(٢) جحفہ: شام مصر افریقہ کوچک سے آنے والوں کے لئے
(٣) نجد: حکومت سعودی کادارالسلطنت ریاض کی طرف سے
(٤) قرن المنازل: نجد اور خلیج فارس کے ممالک سے آنے والوں کے لئے
(٥) ذات عراق: عراق سے آنے والوں کے لئے
(٦) یلملم: یمن کی طرف سے آنے والوں کے لئے
(٧) تنعیم: مکہ کی ایک مسجد جواہل مکہ کے لےہے

حج کی تین قسمیں ہیں

1:…… حج افراد : میقات سے صرف حج کا احرام باندھنا ۔ 

2:…… حج قران : حج کے مہینے میں حج اور عمرے کا ایک ساتھ ایک ہی احرام باندھنا

3:…… حج تمتع : حج کے مہینے میں پہلے عمرے کا اور پھر حج کا احرام باندھنا

حج کے فرائض تین ہیں

1:…… احرام باندھنا ۔

2:…… وقوف عرفہ کرنا۔

3:…… طواف زیارت کرنا ۔

حج کے واجبات 21 ہیں

1:…… میقات سے احرام باندھنا۔

2:…… وقوف عرفات کو غروب تک دراز کرنا ۔

3:…… یوم نحر (10 ذی الحجہ) کی فجر کے بعد سورج نکلنے سے پہلے مزدلفہ میں قیام کرنا۔

4:…… جمرات پرکنکری پھینکنا ۔

5:…… قارن اور متمتع کو قربانی کرنا ۔

6:…… سر منڈوانا(یا بال کٹوانا)۔

7:…… اور اس کو خاصبشکریں اور ایام نحر میں کرنا۔

8:…… رمی کو حلق سے مقدم کرنا ۔

9:…… قارن اور متمتع کا رمی اورحلق کے درمیان نحر (دم شکر ادا) کرنا۔

10:…… طواف زیارت کو ایام نحر (10 تا 12 ذی الحجہ) میں کرنا۔

11:…… صفا ، مروہ کی سعی حج کے مہینوں میں کرنا۔

12:…… اس سعی کا اعتبار طوافِ کے بعد ہونا۔

13:…… غیر معذور کے لئے چل کر سعی کرنا۔

14:…… سعی کا صفا سے شروع کرنا۔

15:…… طوافِ وداع کرنا۔

16:…… بیت اللہ کے ہر طواف کو حجر اسود سے شروع کرنا۔

17:…… تیامن یعنی داہنے ہاتھ سے شروع کرنا۔

18:…… غیر معذور کے لئے پیدل طواف کرنا۔

19:…… دونوں حدث (چھوٹی ناپاکی اور بڑی ناپاکی ) سے پاک ہونا۔

20:…… ستر چھپانا۔

21:…… ممنوعات کا ترک کرنا۔

نوٹ : ان میں سے بعض واجبات کے چھوڑنے سے دم لازم ہوتا ہے اور بعض کے چھوڑنے سے دم لازم نہیں ہوتا۔

حج کی سنتیں 60 ہیں

1:…… احرام کے لئے غسل کرنا۔

2:…… یا وضو کرنا۔

3 :…… لنگی اور  چادر پہننا جو نئے اور سفید ہوں۔

4:…… خوشبو لگانا۔

5:…… احرام کی دو رکعت پڑھنا۔

6:…… احرام کے بعد لبیک کی کثرت کرنا

7:…… تلبیہ میں آواز کو بلند کرنا جب نماز پڑھے (مرد کے لئے)

8:…… یا بلندی کی طرف چڑھے 

9:…… یا نیچے کی طرف اترے ،

10:…… یا(کسی) سوار سے ملے

11:…… اور صبح کے وقت ۔

12:…… اور جب بھی تلبیہ پڑھے بار بار پڑھے 

13:…… اورنبی پاک ﷺ پر درود پڑھنا

14:…… اور جنت ، و نیکوں کا سوال کرنا۔

15:…… اور جہنم سے پناہ مانگنا۔ 

16:…… مکہ میں داخلہ کے لئے غسل کرنا۔

17:…… دن میں باب معلی سے مکہ میں داخل ہونا۔

18:…… بیت اللہ کی زیارت کے وقت اللہ اکبر اور لا الہ ا لا اللہ پڑھنا۔

19:…… بیت اللہ کو دیکھتے ہی محبوب چیز کی دعا مانگنا ۔

20:…… طواف قدوم کرنا چاہے حج کے مہینے نہ ہو۔

21:…… اس طواف میں اضطباع و رمل کرنا جس کے بعد سعی کرنی ہو۔

22:…… مرد کے لئے میلین اخضرین کے درمیان دوڑنا اور باقی میں آہستہ چلنا۔

23:…… کثرت سے طواف کرنا ، آفاقی کے لئے یہ نفل نماز سے افضل ہے۔

24:…… سات ذی الحجۃ کو مکہ میں نماز ظہر کے بعد خطبہ دینا (امام کے لئے)

25:…… اور یہ ایک خطبہ ہوگا بغیر درمیان میں جلسہ کئے ہوئے۔

26:…… اس میں لوگوں کو حج کے مناسک سکھلائے جائیں۔

27:…… (۸ ؍تاریخ )کو مکہ سے منی کے لئے طلوع آفتاب کے بعد نکلنا۔

28:…… اور رات منی میں گزارنا۔

29:…… پھر یوم عرفہ(۹؍)کو منی سے عرفات کے لئے طلوع شمس کے بعد نکلنا

30:…… عرفات میں امام زوال کے بعد دو خطبے دے ۔

31:…… اور ان کے درمیان بیٹھے۔

32:…… ان دونوں مجموعوں میں تضرع ،خشوع، آنسو بہا کر رونا۔

33:…… اور اپنے لئے، والدین کے لئے اور مسلمانوں کے لئے خوب دعا کرنا۔

34:…… پھر عرفات سے غروب کے بعد وقار اور سکون سے نکلنا۔

35:…… مزدلفہ میں بطن وادی سے ہٹ کر جبل قزح کے پاس اترنا۔

36:…… اور دسویں شب مزدلفہ میں قیام کرنا۔

37:…… اور منی کے دنوں (۱۰ ؍۱۱؍۱۲) منی میں رات گذارنا۔

38:……رمی جمار کے وقت منی کو دائیں جانب اور مکہ کو بائیں جانب رکھنا۔

39:…… تما م دنوں جمرۂ عقبہ کی رمی کے وقت سوار ہونا۔

40:…… اور جمرۂ اولی کے وقت پیدل چلنا ۔

41:…… اور جمرہ ٔوسطی کی رمی کے وقت پیدل چلنا۔

42:…… اور رمی کے وقت بطن وادی میں کھڑا ہونا۔

43:…… رمی کا پہلے دن طلوع شمس اور زوال کے درمیان میں ہونا۔

44:…… اور باقی دنوں میں زوال اور غروب کے درمیان ہونا۔

45:…… حجِ افراد کرنے والے کے لئے ہدی کا ذبح کرنا بھی سنت ہے۔

46:…… حج افراد کی ہدی سے اور نفل ہدی سے اور قران و تمتع کی قربانی سے کھانا۔ 

47:…… یوم نحر کو پہلے خطبہ کی طرح خطبہ کہنا سنت ہے۔

48:…… اس میں حج کے بقیہ مناسک سکھلائے جائیں۔

49:…… بارہ تاریخ کو منی سے نکلنے کا ارادہ ہو تو غروب شمس سے پہلے جلدی کرنا 

50:…… منیٰ سے نکلنے کے بعد تھوڑی دیرمقام محصب میں اترنا سنت ہے۔

51:…… اور زمزم کے پانی کو خوب سیراب ہو کر پینا۔

52:…… بیت اللہ کی طرف منھ کرکے ، اس میں دیکھتے ہوئے پینا ۔

53:…… کھڑے ہو کر پینا۔

54:…… زمزم پانی تھوڑا سا اپنے سر اور جسم پر ڈالنا۔

55:…… ملتزم سے چمٹنا اس طرح پر کہ اپنا سینہ اور منھ اس پر رکھے سنت ہے۔

56:…… تھوڑی دیر کے لئے اپنی محبوب چیز کی دعا مانگتے ہوئے غلاف کو تھامنا۔

57:…… بیت اللہ کی چوکھٹ کا بوسہ دینا۔

58:…… بیت اللہ میں ادب و عظمت سے داخل ہونا( اگر ہوسکے)

59:…… زیارت مدینہ کرنا ۔

60:…… حضور ﷺ پر درود و سلام پڑھنا۔

لغت : 

اضطباع : احرام کی چادر کو دائیں بغل کے نیچے سے گزار کر بائیں کندھے کے اوپر ڈالنے کو اضطباع کہتے ہیں ۔

رمل : جس طواف کے بعد سعی ہو اس کے تین پہلے تین چکر میں ذرا اکڑ کر چلنے کو رمل کہتے ہیں ، یہ سنت ہے۔

جنایت کی 4 قسمیں اور اس کا مجموعہ 38 جنایتیں ہیں

1:…… وہ جنا یت جس میں( دم) واجب ہوتا ہے وہ 14 ہیں۔

2:…… وہ جنایت جس میں آدھا صاع گیہوں صدقہ واجب ہوتا ہے وہ 13 ہیں ۔

3:……وہ جنایت جس میں آدھا صاع سے کم صدقہ واجب ہوتا ہے۔ 

4:…… وہ جنایت جس میں قیمت واجب ہوتی ہے ۔

دم یعنی بکری واجب کرنے والی جنایتیں 14ہیں

1:…… کوئی بالغ محرِم عضو پر خوشبو لگالے۔ 

2:…… اپنے سر کو مہندی سے رنگے۔

3:…… خوشبودار تیل لگائے۔

4:…… سلا ہوا کپڑا پہنے۔

5:…… پورے ایک دن سر کو چھپائے۔

6:…… چوتھائی سر منڈوالے۔

7:…… پچھنا لگانے کی جگہ کے بال کو کاٹے ۔

8:……، ایک بغل کے بال کو کاٹے۔ 

9:…… زیر ناف بال کو کاٹے ۔

10:…… گردن کے بال کو کاٹے۔

11:…… دونوں ہاتھ اور پیر کے ناخن کو ایک مجلس میں کاٹے۔ 

12:…… ایک ہاتھ یا ایک پیر کے ناخن کو کاٹ لے۔

13:…… حج کے واجبات میں سے کسی ایک واجب کو ترک کردے۔

14:……حالت جنابت میں طواف کرلے، تو ان سب صورتوں بکری لازم ہے۔

وہ جنایات جن سے آدھاصاع گیہوں واجب ہوتا ہے ،13 ہیں

1:……مکمل عضو سے کم پر خوشبو لگائے۔

2:…… ایک دن سے کم سلا ہوا کپڑا پہنے۔

3:…… ایک دن سے کم اپنا سر ڈھانپے۔

4:…… سر کے چوتھائی سے کم بال منڈوائے۔

5:…… پانچ ناخن سے کم کاٹے۔

6:…… ہر ناخن کے بدلے نصف صاع ہے۔

7:……حالت حدث(بے وضو) میں طواف قدوم یاطواف صدر کرے ۔

8:…… یا طواف صدر میں ایک چکر چھوڑ دیا۔

9:……دو تین چکر طواف چھوڑے ، تو ہرایک کے بدلے آدھا صاع۔

10:…… کسی جمرہ پر ایک کنکری چھوڑدی۔

11:…… سات کنکری سے کم چھوڑے تو ہر کنکری کے بدلے آدھا صاع۔

12:……یا اپنے علاوہ کسی(محرم یا حلال) کا سر حلق کیا۔

13:…… اگر عذر سے خوشبو لگائی ، یا سلا ہوا کپڑا پہنا ،یا حلق کیا تو اسے اختیا ر دیا جائے گا کہ ذبح کرے ،یا تین صاع چھ مساکین پر صدقہ کرے یا تین روزے رکھے ۔ 

وہ جنایت نصف صاع سے کم واجب کرتی ہے ایک ہے

1:……جوں یا ٹڈی کو مارے تو جو چاہے صدقہ کرے۔

وہ جناتیں جو قیمت کو واجب کرتی ہیں 10 ہیں

1……اگرمحرم نے شکار کو قتل کیا پوری قیمت لازم ہوگی۔

2:……شکار کا ایسا عضو کاٹا کہ بھاگ نہیں سکتا تو پوری قیمت لازم ہوگی ۔

3:……پرندے کا ایسا پر اکھاڑا کہ اڑ نہیں سکتا تو پوری قیمت لازم ہوگی۔

4:……پرندے کا ایسا پر کاٹا کہ وہ اڑ سکتا ہو تو جو قیمت کم ہوئی وہ لازم ہوگی۔

5:……پرندے کا ایسا پر نوچا کہ وہ اڑ سکتا ہو تو جو قیمت کم ہوئی وہ لازم ہوگی۔

6:…… جانورکا ایسا عضو کاٹا کہ بھاگ سکتاہو تو جو قیمت کم ہوئی وہ لازم ہوگی۔ 

7:…… یا انڈے کو توڑنے سے انڈے قیمت واجب ہوگی ۔

8:…… اور درندے کے قتل پر بکری کی قیمت سے تجاوز نہ ہوگا۔

9:……حلال حرم کاشکار مارے تو پوری قیمت ہے۔ 

10:……حرم کی گھاس اور خود رو درخت کے کاٹنے سے اس کی قیمت ہے۔

ان جانوروں کے قتل سے کچھ واجب نہیں ہوتا وہ 14 ہیں

1:……کوا

2:…… چیل

3:…… بچھو

4:…… چوہا

5:……سانپ 

6:……پاگل کتا

7:…… مچھر 

8:……چیونٹی 

9:……پسو 

10:……چیچڑی

11:…… کچھوا

12:……اور جس کا شکار نہ ہوتا ہو اسکے مارنے سے کچھ واجب نہیں۔ 

13:…… اگر (درندہ )حملہ کرے تو اس کے قتل پر کچھ بھی واجب نہیں ۔ 

14:…… پالتو جانور کے قتل کرنے سے کچھ واجب نہیں ہوتا ۔

جن جانورں کا گوشت ذبح کرنے والا کھا سکتا ہے 4 ہیں

1……دم تمتع

2……دم قران 

3……نفلی ہدی 

4……قربانی کا گوشت خود کھا سکتا ہے

جن جانور ں کا گوشت ذبح کرنے والا نہیں کھا سکتا ہے 6 ہیں

1……جنایات کا دم 

2……کفارات کا دم 

3……شکار کا بدلہ 

4…… بیماری کی وجہ سے ہدی کو راستے میں ذبح کر نا پڑا ہو 

5……احصار کا دم 

6……نذر کا دم 

جن جانورں کو حرم میں ذبح کر نا ضروری ہے 5 ہیں

1……دم تمتع

2:…… دم قران 

3……نفلی ہدی 

4……دم احصار

5……شکار کا بدلہ

جس جانورکوحرم میں ذبح کرناضروری نہیں وہ 1ہے

1……ہدی بیمار ہو گئی ہو تو جہاں چا ہے ذبح کرے

جن جانورں کو ایام النحر میں  ذبح کر نا ضروری ہے،وہ 3 ہیں

1……دم تمتع 

2……دم قران 

3……بہتر ہے کہ نفلی ہدی کو بھی یوم النحر میں ذبح کرے ۔

لغت : 

حرم : مکہ مکرمہ کے چاروں طرف حرم کے حدود ہیں اس میں بعض ہدی کو ذبح کرنا ضروری ہوتا ہے ۔یوم النحر ، ۱۰ ؍ ۱۱؍۱۲؍ ذی الحجہ کو ایام نحر کہتے ہیں ۔

جن جانورں کو یوم النحرمیں ذبح کر نا ضروری نہیں ہے وہ 5 ہیں

1……کفارات کادم

2……نذر کا دم 

3……احصار کا دم 

4……شکار کا بدلہ 

5……جنایات کا دم 

عمرہ کا بیان

عمرہ میں 3 چیزیں فرض ہیں

1……میقات سے احرام باندھے۔ 

2……سات چکر طواف کرے۔ 

3……اس کے بعد سعی کرے ۔

0……بال کٹوا کر حلال ہوجائے ۔

0……باقی تمام چیزیں وہی ہیں جو حج میں ہیں۔ 

قبولیت  دعا کے مقامات 15 ہیں جہاں دعا قبول ہوتی ہے

1:……حالت طواف میں۔

2:……ملتزم کے پاس۔

3:……میزاب(رحمت) کے نیچے ۔

4 :…… بیت اللہ کے اندر۔

5:……زمزم کے پاس۔

6:…… مقام ابراہیم کے پیچھے ۔

7:……صفا پر ۔

۸:……مروہ پر۔

9:…… حالت سعی میں۔

10:……عرفات میں۔

11:…… منی میں۔

12:……جمرۂ اولی۔

13:…… جمرۂ ثانیہ۔

14:…… جمرۂ ثالثہ کے پاس (رمی کے وقت)

15:……چوتھے دن کی رمی کے وقت۔

     

 مراجع 

(١) قرآن

(٢) حدیث

(٣) ثمرةالفقه

(٤) مظاہرحق

طالب دعا۔۔۔۔۔۔۔۔۔۔امتیاز ندوی